The English And Scottish Popular Ballads

by FRANCIS JAMES CHILD.

Home Main Menu Singing & Playing Order & Order Info Support Search Voucher Codes



Share page  Visit Us On FB

Index  Previous  Next 

102A: Willie and Earl Richard's Daughter


102A.1	O WILLIERR'rrS large o limb and lith,
	And come o high degree,
	And he is gane to Earl Richard,
	To serve for meat and fee.
102A.2	Earl Richard had but ae daughter,
	Fair as a lily-flower,
	And they made up their love-contract
	Like proper paramour.
102A.3	It fell upon a simmer's nicht,
	Whan the leaves were fair and green,
	That Willie met his gay ladie
	Intil the wood alane.
102A.4	'O narrow is my gown, Willie,
	That wont to be sae wide;
	And gane is a' my fair colour,
	That wont to be my pride.
102A.5	'But gin my father should get word
	What's past between us twa,
	Before that he should eat or drink,
	He'd hang you oer that wa.
102A.6	'But ye'll come to my bower, Willie,
	Just as the sun gaes down,
	And kep me in your arms twa,
	And latna me fa down.'
102A.7	O whan the sun was now gane down,
	He's doen him till her bower,
	And there, by the lee licht o the moon,
	Her window she lookit oer.
102A.8	Intill a robe o red scarlet
	She lap, fearless o harm;
	And Willie was large o lith and limb,
	And keepit her in his arm.
102A.9	And they've gane to the gude green wood,
	And, ere the night was deen,
	She's born to him a bonny young son,
	Amang the leaves sae green.
102A.10	Whan night was gane, and day was come,
	And the sun began to peep,
	Up and raise the Earl Richard
	Out o his drowsy sleep.
102A.11	He's ca'd upon his merry young men,
	By ane, by twa, and by three:
	'O what's come o my daughter dear,
	That she's nae come to me?
102A.12	'I dreamt a dreary dream last night,
	God grant it come to gude!
	I dreamt I saw my daughter dear
	Drown in the saut sea flood.
102A.13	'But gin my daughter be dead or sick,
	Or yet be stown awa,
	I mak a vow, and I'll keep it true,
	I'll hang ye ane and a'!'
102A.14	They sought her back, they sought her fore,
	They sought her up and down;
	They got her in the gude green wood,
	Nursing her bonny young son.
102A.15	He took the bonny boy in his arms,
	And kist him tenderlie;
	Says, Though I would your father hang,
	Your mother's dear to me.
102A.16	He kist him oer and oer again:
	'My grandson I thee claim,
	And Robin Hood in gude green wood,
	And that shall be your name.'
102A.17	And mony ane sings o grass, o grass,
	And mony ane sings o corn,
	And mony ane sings o Robin Hood
	Kens little whare he was born.
102A.18	It wasna in the ha, the ha,
	Nor in the painted bower,
	But it was in the gude green wood,
	Amang the lily-flower.

102B: Willie and Earl Richard's Daughter


102B.1	MONY ane talks o the grass, the grass,
	And mony ane o the corn,
	And mony ane talks o gude Robin Hood
	Kens little whar he was born.
102B.2	He was gotten in a earl's ha,
	And in a lady's bower,
	And born into gude greenwood,
	Thro mony cauld winter's shower.
102B.3	His father was the earl's own steward,
	Sprung frae sma pedigree;
	His mother, Earl Huntingdon's ae daughter,
	For he had nane else but she.
102B.4	When nine months were near an end,
	And eight months they were gone,
	The lady's cheeks wi tears were wet,
	And thus she made her moan:
102B.5	'What shall I say, my love Archibald,
	This day for you and me?
	I will be laid in cauld irons,
	And ye'll be hanged on tree.'
102B.6	'What aileth my love Clementina?
	What gars you mourn sae sair?'
	'You know,' said she, 'I'm with child to thee,
	These eight lang months and mair.'
102B.7	'Will ye gae to my mother's bower,
	Stands on yon stately green?
	Or will ye gae to the gude greenwood,
	Where ye will not be seen?'
102B.8	'I winna gang to your mother's bower,
	Stands on yon stately green;
	But I will on to gude greenwood,
	For I will not be seen.'
102B.9	He's girt his sword down by his side,
	Took his lady by the hand,
	And they are on thro gude greenwood,
	As fast as they could gang.
102B.10	With slowly steps these couple walkd,
	About miles scarcely three.
	When this lady, being sair wearied out,
	Lay down beneath a tree.
102B.11	'O for a few of yon junipers,
	To cheer my heart again,
	And likewise for a gude midwife,
	To ease me of my pain!'
102B.12	'I'll bring to you yon junipers,
	To cheer your heart again,
	And I'll be to you a gude midwife,
	To ease you of your pain.'
102B.13	'Had far awa frae me, Archibald,
	For this will never dee;
	That's nae the fashion o our land,
	And it's nae be used by me.
102B.14	'Ye'll take your small-sword by your side,
	Your buckler and your bow,
	And ye'll gae down thro gude greenwood,
	And hunt the deer and roe.
102B.15	'You will stay in gude greenwood,
	And with the chase go on,
	Until yon white hind pass you by,
	Then straight to me ye'll come.'
102B.16	He's girt his sword then by his side,
	His buckler and his bow,
	And he is on thro gude greenwood,
	To hunt the deer and roe.
102B.17	And in the greenwood he did stay,
	And with the chase gaed on,
	Until the white hind passd him by,
	Then to his love he came.
102B.18	He girt his sword then by his side,
	Fast thro greenwood went he,
	And there he found his love lie dead,
	Beneath the green oak tree.
102B.19	The sweet young babe that she had born
	Right lively seemed to be;
	'Ohon, alas!' said young Archibald,
	'A mournful scene to me!
102B.20	'Altho my sweet babe is alive,
	This does increase my woe;
	How to nourish a motherless babe
	Is mair than I do know.'
102B.21	He looked east, he looked west,
	To see what he could see,
	Then spied the Earl o Huntingdon,
	And mony a man him wi.
102B.22	Then Archibald fled from the earl's face,
	Among the leaves sae green,
	That he might hear what might be said,
	And see, and nae be seen.
102B.23	The earl straight thro the greenwood came,
	Unto the green oak tree,
	And there he saw his daughter dead,
	Her living child her wi.
102B.24	Then he's taen up the little boy,
	Rowed him in his gown-sleeve;
	Said, Tho your father's to my loss,
	Your mother's to me leave.
102B.25	And if ye live until I die,
	My bowers and lands ye'se heir;
	You are my only daughter's child;
	But her I never had mair.
102B.26	Ye'se hae all kinds of nourishment,
	And likewise nurses three;
	If I knew where the fause knave were,
	High hanged should he be.
102B.27	His daughter he buried in gude church-yard,
	All in a mournful mood,
	And brought the boy to church that day,
	And christend him Robin Hood.
102B.28	This boy was bred in the earl's ha
	Till he became a man,
	But loved to hunt in gude greenwood,
	To raise his noble fame.

102C: Willie and Earl Richard's Daughter


102C.1	MONY ane speaks o grass, o grass,
	And mony mare o corn,
	And mony ane sings o Robin Heed
	Kens little whare he was born.
102C.2	He was born in good green wood,
	At the fut o yon olive tree;
	His father was a knight's ae son,
	And his mother a lady free.

Next: 103. Rose the Red and White Lily