|Visit Us On FB
LES ESPAGNOLS SUR MER
I prays lohn Badding als one of the best; Faire come he sayland out of the suthwest, To proue of tha Normandes was he ful prest, Till he had foghten his fill he had neuer rest.
lohn of Aile of the Sluys with scheltron ful schene Was comen into Cagent, cantly and kene, Bot sone was his trumping turned to tene; Of him had sir Edward his will als I wene.
The schipmen of Ingland sailed ful swith, That none of the Normandes fro tham might skrith. Who so kouth wele his craft thare might it kith : Of al the gude that thai gat gaf thai no tithe.
Two hundreth and mo schippes on the sandes Had oure Inglis men won with thaire handes; The kogges of Ingland war broght out of bandes, And also the pristofir that in the streme standes ; In that stound thai stode, with stremers ful still Til thai wist full wele sir Edwardes will.
Sir Edward, oure gude king wurthi in wall Faght wele on that nude, faire mot him fall; Als it es custom of king to confort tham all So thanked he gudely the grete and the small, He thanked them gudely, God gif him mede, Thus come oure king in the Swin till that gude dede
This was the bataile that fell in the Swin,
Whare many Normandes made mekill din;
Wele war thai armed vp to the chin ;
But God and sir Edward gert thaire boste blin, Thus blinned thaire boste, als we wele ken : God assoyle thaire sawls, sais all, Amen.
LES ESPAGNOLS SUE MER
How King Edward and his menye Met with the Spaniardes in the see
I wald noght spare for to speke, wist I to spede, Of wight men with wapin and worthly in wede,