Folk and Traditional Song Lyrics:
Pressers

Home Main Menu Folk Song Lyrics A B1 B2 B3 B4 C1 C2 C3 D1 D2 E F G H I J K L1 L2 M N O P Q R S1 S2 S3 S4 T U V W1 W2 XYZ Search



Share page  Visit Us On FB


The Pressers

The Pressers
(Mary Brooksbank)

There is nocht in this wide world but sorrow and care
I weary on Johnnie, but Johnnie's no there
Sae waesome and dowie, I feel like tae dee
Since the pressers hae stolen my laddie fae me

I look aroond the steading, but Johnnie's nae there
At toil in the hairst field, my hert it feels sair
When I look tae yon high hills, a tear blinds my e'e
Since the pressers hae stolen my laddie fae me

For he's far ower yon high hills and syne ower the sea
I ken nowhere my ain dear laddie micht be
In some foreign battlefield maybe he'll dee
Oh, curse on ye, Boney, took my laddie fae me

Now the bonnie larks singing mocks me in my care
But I'll go on still hoping till grey grows my hair
Oh, ye wild winds a blowing far ower the sea
Will ye blow back my bonnie lad Johnnie tae me
recorded by Ray Fisher

Download the song in PDF format for printout etc. Download the song in RTF format for editing etc.