AULD ROBIN GRAY.
Young Jamie lo'ed me weel, and sought me for his bride;
But, saving a crown, he had naethlng else beside;
To make the crown a pound, my Jamie gaed to sea.
And the crown And the pound they were baith for me.
he hudna been awa' a week but only twa,
When my raither she fell sick, and the cow was stone awa;
My father brak' his arm, my Jamie at the sea,
And auld Robin Gray came a-courting me.
My father couldna work, my mither couldna spin;
I toiled day and night, but their bread I couldna win;
Auld Rob maintained them baith, and, wi' tears in his e'e
Said, "Jennie, for their sakes will you marry me "
My heart it said nae, and I looked for Jamie back;
But hard blew the winds, And his shin was a wrack;
His ship it was a wrack! why didna Jennie-dee?
And wherefore was I spared to cry, "Wae is me?"
My father argued sair; my mither didna speak.
But she look'd in my face till my heart was like to break;
They gied him my hand, but my heart was in the sea;
And so auld Robin Gray he was gudeman to me.
I hadna been his wife a week but only four.
When, mournfu' as I sat on the stane at the door,
I saw my Jamie's ghaist-I couldna think it he,
Till he said, "I'm come hame, my love, to marry thee! "
O, sair, sair did we greet, and mickle did we say!
Ae kiss we took-nea mair-I bade him gang awa'.
I wish that I were dead; but I'm nae like to dee;
And why do I live to say, "Wae is mer"
I gang like a ghaist, and I carena to spin;
I derena think o' Jamie, for that wad be a sin;
But I will do my best a gudewife aye to be,
For auld Robin Gray he is kind to me.