THE LASS O' GWRIE.
Twas on a Summer afternoon
A wee before the sun gaed down,
My lassie wi' a braw new gown
Came o'er the hill to Gowrie;
The rose-bud ting'd wi' morning show'rs,
Bloom'd fresh within the sunnie bow'rs,
But my lassie was the fairest flow'r
That ever bloom'd in Gowrie.
I had nae thought to do her wrang,
But round her waist my arms I flang,
And said: " My lassie, will ye gang
To view the Carse o' Gowrie?
I'll take' ye to my father's ba'
In yon green field beside the shaw,
And mak' ye lady o' them a',
The brawest wife in Gowrie."
Saft kisses On her lips I laid,
Sweet blushes on her cheeks soon spread;
She whisper'd modestly and said:
"I'll gang wi' ye to Gowrie."
The aula folks soon gaed their consent,
And to Mess John we quickly went,
Wha tied us to our heart's content,
And now she's Lady Gowrie.