Traditional & Folk Songs with lyrics, midis & Mp3
Country Lassie

Country Lassie

Country Lassie
(Robert Burns)

In simmer, when the hay was mawn
And corn wav'd green in ilka [every] field,
While claver [clover] blooms white o'er the ley [pasture]
And roses blaw in ilka bield [sheltered spot]
Blythe Bessie in the milking shiel [shed]
Says;-'I'll be wed, come o't what will!'
Out spake a dame in wrinkled eild [old age]
'O guid [of good] advisement comes nae ill.

It's ye hae wooers monie ane, [many a one]
And lassie, ye're but young, ye ken!
Then wait a wee, and cannie wale [sensibly choose]
A routhie butt, [a well stocked kitchen] a routhie ben. [parlour]
There's Johnie o the Buskie-Glen,
Fu [full] is his barn, fu is his byre. [cowshed]
Tak this frae me, my bonny hen:
It's plenty beets [fans] the luver's fire!

'For Johnie o' the Buskie-Glen
I dinna care a single flie [fly]:
He lo'es sae weel his craps [crops] and kye, [cattle]
He has nae love to spare for me.
But blythe's the blink [glance] o' Robie's e'e, [eye]
And weel I wat he lo'es me dear:
Ae blink [glance] o' him I wad na gie [give]
For Buskie-Glen and a' his gear. [wealth]

O thoughtless lassie, life's a faught! [fight]
The canniest gate, [quietest manner] the strife is sair.[sore]
But ay fu-han't [full handed] is fechin [fighting] best
A hungry care an unco [very great] care
But some will spend and some will spare
An wilfu folk maun hae their will
Syne as ye brew, my maiden fair,
keep mind that Ye maun drink the yill! [ale]

'O, gear will buy me rigs [ridges] o land,
And gear will buy me sheep and kye!
but the tender heart o leesome [gladsome] loove
The gowd and siller [gold and silver] canna buy!
We may be poor, Robie and I
Light is the burden luve lays on;
Content and loove brings peace and joy:
What mair hae Queens upon a throne?

AF
APR99