O Bessie Bell and Mary Gray,
They war twa bonnie lasses;
They bigget a bower on yon burn brae,
And theekit it o'er wi' rashes.
They theekit it o'er w rashes green,
They theekit it o'er w heather;
But the pest cam frae the burrows-town,
And slew them baith thegither.

They thought to lye in Methven kirk yard,
Amang their noble kin;
But they maun lye in Stronach haugh,
To biek forenent the sin.
And Bessy Bell and Mary Gray,
Tney war twa bonnie lasses;
Tney bigget a bower on yon burn brae,
And theekit it o'er wi' rashes.