Folk and Traditional Song Lyrics:
Willies Lady 2

Willie's Lady 2

Willie's Lady 2

 O Willie's ta'en ower the raging faem
 He's woo'd a wife & he's bocht her hame
 He's woo'd her for her lang yellow hair
 But his mother wrocht her muckle care

 And muckle dolour gar'd her dree
 For light o' bairn his lady canna be
 For light o' bairn she canna be

 And aye she lies in her bower wi' pain
 And Willie mourns his lady a' in vain
 And Willie mourns her a' in vain

 So Willie's tae his wicked mither gane
 The vilest witch o' womenkind

 And says, "My lady has a bonnie cup
 Wi' gowd & silver set aboot"

 "This goodly gift it shall be yer ain
 Gin ye let her be lighter o' her bairn
 Gin ye let her be lighter o' bairn"

 "O, light o' bairn she ne'er will be
 Nor in her bower will shine sae bricht for ye
 Nor in her bower will shine for thee"

 "but she will die & slowly turn tae clay
 You will wed wi' anither may"

 "O, anither may I'll never wed
 Anither may shall never share my bed
 I'd rather die" Young Willie said

 So Willie's tae his mither yet again
 That vilest witch o' womenkind
 And says "My lady has a milk white steed
 Like o' it's no' in the lands o' Leed"

 "At lika tett o' that horse's mane
 Hangs fifty bonnie siller bells & ten
 Fifty siller bells & ten"

 "This goodly gift it shall be yer ain
 Gin ye let her be lighter o' her bairn
 Gin ye let her be light o' bairn"

 "O, light o' bairn she ne'er will be
 Nor in her bower will shine sae bricht for ye
 Nor in her bower will shine for thee"

 "But she will die & slowly turn tae clay
 And you will wed wi' anither may"

 "O, anither may I'll never wed
 Anither may shall never share my bed
 I'd rather die" young Willie said

 So Willie's tae the wise old Billy Blind
 And aye he spoke oot in good time

 He says "Go down intae the market place
 There ye'll buy a loaf of wax"

 "And shape it bairn & bairnie-like
 And in ti's heid twa glassen e'en ye'll put
 And in it's heid twa e'en ye'll put"

 "And you will tae yer wicked mither gae
 Invite her tae yer son's christenin"

 "But ye must stand a way forbye
 And listen weel what yer wicked mither says
 Listen weel what she does says"

 So Willie's tae his wicked mither gane
 Invited her tae his son's christenin

 And he did stand a wee forbye
 And listened weel what his wicked mither said
 Listened weel what she did say

 "And wha has ta'en oot the kaims o' care
 That hung amang yon lady's hair"

 "And wha has killed the Master Kid
 That ran beneath that bonnie lady's bed
 That ran beneath that lady's bed"

 "And wha has ta'en doon the bush o' woodbine
 That hung atween that lady's bower & mine
 That hung atween her bower & mine"

 "And wha has loos'd her left foot shee
 So light o' bairn this lady then may be
 So light o' bairn this lady be"

 Then Willie's ta'en oot the nine & witchen knots
 That were amang his lady's locks

 And Willie's ta'en oot the kaims o' care
 That hung amang his lady's hair

 And Willie's killed the Master Kid
 That ran beneath his bonnie lady's bed
 That ran ran beneath his lady's bed

 And Willie's ta'en doon the bush o' woodbine
 That hung atween his lady's bower sae fine
 Hung atween her bower sae fine

 Then Willie's looosened his lady's leften shee
 That light o' bairn she then might be

 And when & a' these things were done
 His lady's brocht forth untae him a son
 His lady's brocht forth a bonnie son

as sung by Ray Fisher
BF
oct99