Folk and Traditional Song Lyrics:
Lady Dysie 2

Home Main Menu Folk Song Lyrics A B1 B2 B3 B4 C1 C2 C3
D1 D2 E F G H I J K L1 L2 M N O P Q R S1 S2 S3 S4 T U V W1 W2 XYZ Search Voucher Codes

Share page  Visit Us On FB

Lady Dysie 2

Lady Dysie 2

There once was a king and a very great king
And a king of muckle fame
He had a lovely dochter fair
Lady Dysie was her name
And word's gane up and word's gane doon
And word's gane right roond aboot
Lady Dysie she gars right roond aboot
And tae whom they darena ken

When bells were rung and Mass was sung
And they've all gan tae their rest
The king's gane tae Lady Dysie's bower
And he wasnae a welcome guest
He's pu'd the curtains right roond aboot
And there he sat him doon
Tell tae me Lady Dysie he said
What gars ye gan so roond?

It is tae a lord or tae a laird
Or to a Baron o' high degree
Gae tell tae me Lady Dysie he said
And I pray ye darena lee
O it's no to a lord and it's no to a laird
Nor to any mon o' high degree
It's tae Roger the kitchie boy
Wha calls sae aye tae me

He's called his merry men oot by one
By one by twa by three
At last came Roger the kitchie boy
And he's dashed him tae a tree
He's taken oot that bonnie boy's heirt
Put it in a cup o' gold
And sent it tae Lady Dysie's bower
Because she'd been sae bold

Farewell mither farewell faither
Farewell to comfort and joy
He died for me I'll die for him
Though he was but a kitchie boy
Farewell mither farewell faither
Farewell my brothers free
Ye thought ye had taken the life of yin
But you've taken the life of three

Child #269
Download the song in PDF format for printout etc. Download the song in RTF format for editing etc.