Folk and Traditional Song Lyrics:
Johnny My Man

Home Main Menu Folk Song Lyrics A B1 B2 B3 B4 C1 C2 C3
D1 D2 E F G H I J K L1 L2 M N O P Q R S1 S2 S3 S4 T U V W1 W2 XYZ Search Voucher Codes



Share page  Visit Us On FB


Johnny My Man

Johnny My Man

Oh, Johnny my man, do you no think o' risin'
The day is weel spent and the nicht's coming on
Your siller's a' done and the gill stoup is empty
Oh rise up, my Johnny, and come awa' hame

The bairnies at hame are roarin' and greetin'
Nae meal in the barrel tae fill their wee wames
You sit here drinkin' and leave me lamentin'
Oh rise up, my Johnny, and come awa' hame

Wha's that at the door that's speakin' sae kindly
It's the voice o' my ain wifie, Maggie by name
Come in, my dear lassie, and sit doon aside me
Na, rise up, my Johnny, and come awa' hame

Oh Johnny, my man, dae ye mind o' the courtin'
Nae ale-house or tavern ere ran in your mind
We spent the lang days mid the sweet smellin' roses
And ne'er gie'd a thocht towards gaun awa' hame

Oh weel dae I mind the times that ye speak o'
But they days have passed and will ne'er come again
Just think on the present, we'll try for tae mend it
So gie's your hand Maggie, and I'll awa' hame

When Johnny rase up, he banged the door open
Sayin', cursed be the ale-hoose that e'er let me in
And wae tae the whiskey that mak's me aye thirsty
So fare thee well, whiskey, and I'll awa' hame

recorded by Jean Redpath on Song of the Seals
SOF
Download the song in PDF format for printout etc. Download the song in RTF format for editing etc.