Folk and Traditional Song Lyrics:
El Tens Diver
El Tens D'iver
El Tens D'Iver
El tens d'iver quant vei pallir
l'erbe la freidure
e les menuz oisels tapir
en la ramee oscure,
a grant dolur suvent suspir
tant vei eisir
amur de sa nature:
la bele a qui joe pens e tir,
senz rien merir,
me gref a desmesure
En icel esperance,
me delite ma peine,
ki les amenz avance
de avior joie certeine
Cele ki tant aim e desir,
me ocit senz forfeiture,
quant si sultif me lait languir,
que ele ne m'assure;
ker tut sui sons a sun pleisir,
sanz repentir,
si ke d'altre n'ai cure;
purquant si m'est gref cest martir
tuz tens suffrir
et vivre en aventure.
Joe vai un usage tenir
as dames senz dreiture,
dunt eles funt vite perir
amar veraie e pure;
e les amanz sovent marrir,
e revertir
en grant desconfiture.
Caste me fait a poi murir,
e pur ceo m'ir
que ele m'est si fere e dure.
anonymous Anglo-Norman
DP
AJS
oct97