Cam Ye By Athol
Cam ye by Athol, lad wi' the philabeg
Doon frae the Tummel or banks o' the Garry
Saw ye the lads wi' their bonnets and white cockades
Doon fae their mountains tae follow Prince Charlie.
I hae but one son, gallant young Donald
But had I ten, they would follow Glengarry
Helped by MacDonald and gallant clan Ronald
These are the men that would die for Prince Charlie.
It's I'll go tae Lochiel and appin and kneel tae them
Lord o' Moray and Roy of Kilairdie
Brave MacIntosh, he will fly tae the fields wi' them
These are the men I would trust wi' my Chairlie.
Doon through the lowlands, doon wi' the Whigamore
Loyal true Hielan' man doon wi' them rarely
Ronald and Donald ride on wi' the broad Claymore
O'er the necks o' the foes o' Prince Charlie.
Follow ye, follow ye, wha' widnae follow ye
Lang hae ye loo'd us and trusted us fairly
Chairlie, O Chairlie, wha widnae follow ye
King o' the Hielan' hearts, Bonnie Prince Chairlie.
traditional, arranged by the Tannahill Weavers