|Share page||Visit Us On FB|
328 TONE-POETRY OF ROBERT BURNS
No. 344. O, I fordid you maidens a'.
Tune: Tam Lin Scots Musical Museum, 1796, No. 411.
'O, I forbid you maidens a', That wear gowd on your hair,
To come or gae by Carterhaugh, For young Tarn Lin is there.
There's nane that gaesby Carterhaugh But they leave him a wad ;
Either their rings, or green mantles, Or else their maidenhead. •
Janet has belted her green kirtle
A little aboon her knee; And she has. broded her yellow hair
A little aboon her bree ; And she's awa to Carterhaugh
As fast as she can hie 1
But when she cam to Carterhaugh, Tam Lin was at the well,
And there she fand his steed standing, But away was himsel.
She hadna pu'd a double rose,
A- rose but only twae, Till up then started young Tam Lin
Says, ' Lady thou's pu' nae mae.
'Why pu's thou the rose, Janet, And why breaks thou the wand !
Or, why comes thou to Carterhaugh Withoutten my command ?'
' Carterhaugh it is my ain ;
My daddie gave it me, I'll come and gang by Carterhaugh,
And ask nae leave at thee.'
Janet has kilted her green kirtle A little aboon her knee,
And she has snooded her yellow hair A little aboon her bree,
And she is to her father's ha' As fast as she can hie.
Four and twenty ladies fair Were playing at the ba',
And out then cam the fair Janet Ance the flower amang them a'.
Four and twenty ladies fair Were playing at the chess,
And out then cam the fair Janet As green as ony glass.
Out then spak an auld grey knight Lay o'er the castle wa' ; And says: ' Alas! fair Janet for thee But we'll be blamed a'.'
' Haud your tongue, ye auld fac'd knight,
Some ill death may ye die, Father my bairn on-whom I will,
I'll father nane on thee.'
Out then spak her father dear, And he spak meek and mild,
' And ever alas 1 Sweet Janet,' he says— 'I think thou gaes wi' child.'
' If that I gae wi' child, father, Mysel maun bear the blame,
There 's ne'er a laird about your ha', Shall get the bairn's name.